🤷🏻♀️今時今日，以香港嘅樓價貴成咁，能夠買得起太平山頂嘅屋真係超級有錢，估唔到呢個夢想我終於實現左啦🤩不過係喺大富翁遊戲裡面囉！🤪
大富翁遊戲相信係唔少人嘅童年回憶，就算係而家嘅小朋友都有屬於佢哋年代版本既大富翁，例如有孖寶兄弟版本、復仇者聯盟版本等等......不過我都係鍾情於原裝嘅香港版本，夠晒原汁原味又可以滿足我做大地主嘅夢想嘛😏今次一家人去咗位於港太平山山頂廣場既全球首個大富翁主題館「大富翁夢想世界」率先試玩，場內每一次都係打卡位，瘋狂打卡一流📸。
等我介紹下呢7大好玩場景先！
🏤大富翁先生神秘大宅，展示咗好多古代同埋特別版嘅大富翁棋，同埋介紹咗大富翁先生發達嘅經過，大富翁迷千祈唔好錯過呀！📸
🚂火車站，其實係一個迷你4D影院，兩個仔睇到勁開心又興奮，本着不劇透嘅精神，大家有機會去睇下，正！
🏦大富翁超級電子銀行，呢個真係超級好玩兼笑到傻😂20秒之內要瘋狂搶走飄喺空中嘅錢，而所得既錢可喺禮品店同小食店當錢用架！
🏡夢想地產，梗有一張地契屬於你，住邊一區就各安天命啦🤓實現業主夢想冇難度😝
⚱️大富翁先生金庫，勁多金磚既打卡好地方。
🕋監獄，又一個經典場景，但係估唔到哥哥仔第一時間竟然係衝去廁所扮痞塔我幫佢影張相🤪
💧水務局，內裏係一個互動投影遊戲區，個個小朋友喺裏面玩到唔捨得走！
呢個咁有趣又一家大細都啱玩嘅大富翁主題館 10月26日就正式開幕啦！臨走仲可以買返盒大富翁棋留個紀念，佢哋好多版本都有提供架！不得不提吓間大富翁小食店個自創三式爆谷超級好味！當中個日式粟米濃湯味好食到停唔到😋
🌈全球首個大富翁主題館
「大富翁夢想世界™」
開幕日期：2019年10月26日
時間：10am – 10pm
門票：成人$260；小童/長者$220
地點：香港山頂道 118 號山頂廣場 3 樓
Search